Star.Starphoto、Jolly的今日星蹤 (台灣版)

標題: 許嘉浩細個學左蠟筆小新唔鍾意食青椒 [打印本頁]

作者: jolly 時間: 2019-8-27 23:00 標題: 許嘉浩細個學左蠟筆小新唔鍾意食青椒

許嘉浩細個學左蠟筆小新唔鍾意食青椒
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=42102

著名形象指導許嘉浩(Karl Hui)一向童心未泯,成日鐘意去卡通人物嘅主題展覽或餐廳打卡。今次佢襯哂色以上身紅色,下身黃色褲「小新」造型,仲約埋一班兒時玩伴嚟到以蠟筆小新的主題點心餐廳食野同拍片同網民開心Share! 為迎接2020東京舉辦的奧運會,蠟筆小新系列嘅點心仲以運動做主題同裝飾。有小新舉緊鐵嘅炸雲吞、咸牛肉芝士西多士、爆餡流沙包、蒸滑腸粉、鮮蝦餃、鮮雜果啫喱杯等等,網民睇見都大叫好想食! Karl話蠟筆小新係佢同班朋友嘅兒時卡通片:「細個放學番屋企就係開電視睇蠟筆小新卡通片。仲學左小新唔鐘意食青椒,直到宜家去買煎釀三寶都唔叫青椒。小新個性人細鬼大,鹹鹹濕濕。大人仲叫我哋睇還睇,唔好學,認真搞笑。」問到好友李蘊(Renee)剛過生日的兒子都叫「小新」,有無約佢哋? Karl話之前Renee帶佢哋番嚟香港有見過,大讚Renee係偉大嘅全天候媽媽。日日任勞任怨照顧兩個小朋友,帶佢哋玩又要親自送番學放學。仲叫「小新」唔好學蠟筆小新揀飲擇食。Karl更透露這星期為下星期同期在會展舉辦的香港時裝匯展和香港鐘表展的Fashion Show設計衣飾。

歡迎光臨 Star.Starphoto、Jolly的今日星蹤 (台灣版) (http://starphoto.freebbs.tw/)