Star.Starphoto、Jolly的今日星蹤 (台灣版)

標題: 張若希飲酒微醉慶祝18歲成人禮 [打印本頁]

作者: jolly 時間: 2022-5-19 21:26 標題: 張若希飲酒微醉慶祝18歲成人禮

張若希飲酒微醉慶祝18歲成人禮
生日願望：戒掉所有壞習慣
感謝父母養育成人
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=46922

唐韋琪(Vikki姐姐) 徒弟張若希Cheyenne，9月30日18歲生日，經理人Vikki姐姐與公司同事、張媽媽為Cheyenne舉行簡單而熱鬧的倒數生日會迎接18歲，踏正凌晨12時，大家唱生日歌切旦糕之外，Vikki姐姐更特別為Cheyenne準備了一瓶咖啡甜酒，進行18歲成人禮…….進飲成人後第一杯酒！搞到醉醉地不時大笑又大叫：「我唔想變大人呀！唔要做大人呀！我要做細路！」

踏入人生另一階段，正式成為大人，Cheyenne表示一定要多謝媽媽，並搞笑說：「我覺得自己好叻，可以生存咗18年，時間過得好快，冇諗過在咁複雜的世界可以生存到18年，我要多謝媽咪，我仲記得在媽咪肚入面，細個時，媽咪餵我食飯，仲記得幼稚園媽咪湊我返學，之後就讀中學，媽咪生咗我出嚟18年啦，辛苦媽咪及爸爸把我湊大養大，咁就做咗大人嘞。」

生日願望，她表示好簡單：「我只想簡簡單單，唔想太複雜，希望自己唔好再咁低能，我已經18歲，但好多人都話我似10歲，我真係希望唔好再咁低能。仲有，我想同自己講，想改掉所有壞習慣，甚麼壞習慣？好多喎，好執著，成日好似聽唔到人家講嘢，總之奇奇怪怪咁！」

Vikki姐姐則祝福Cheyenne踏入另一階段，人生更精彩，繼續堅持她的唱歌夢想及大學成績優秀，Vikki姐姐示無論自己或Cheyenne家人都管教嚴格，踏入18歲，特登為Cheyenne買了一枝酒，第一次鼓勵她飲酒：「18歲啦，成人啦，可以嘗試飲酒，第一次飲酒，所以揀了咖啡甜酒，比較易入口。」不過，Cheyenne第一下飲酒的感覺就：「好嗆鼻，喉嚨好慶呀，好大陣酒精味呀！」但飲落去甜甜地，最後乾了一大杯，微醉慶祝18歲成人!

歡迎光臨 Star.Starphoto、Jolly的今日星蹤 (台灣版) (http://starphoto.freebbs.tw/)