鍾嘉欣出席杏花新城「杏運Summer Fun 2023」活動

Star.Starphoto、Jolly的今日星蹤 (台灣版) » 公關公司提供資料 » 鍾嘉欣出席杏花新城「杏運Summer Fun 2023」活動

jolly

管理員

UID 1
精華 2
積分 89971
帖子 46637
閱讀權限 200
註冊 2007-1-14
用戶註冊天數 6319
用戶失蹤天數 0
狀態離線
223.18.58.118

發表於 2023-8-6 16:51 資料文集私人訊息

鍾嘉欣出席杏花新城「杏運Summer Fun 2023」活動

鍾嘉欣出席杏花新城「杏運Summer Fun 2023」活動
與現場小朋友挑戰充氣裝置障礙賽分享運動凍齡秘訣
嘉欣分享育兒樂趣最愛全家出動享天倫之樂
轉載自: Star.Starphoto、Jolly的今日星蹤, 查看全部相片請前往:
http://starphoto.joinbbs.net/viewthread.php?tid=49526
https://jollyc.blogspot.com

（香港—2023年8月5日）適逢暑假，夏日熱辣辣，一眾家長正煩惱找地方帶小朋友「放電」？港鐵商場杏花新城為你呈獻最新潮好玩「杏運Summer Fun 2023」！港鐵一直以來致力培育青年發展，杏花新城透過與不同團體合作，將運動帶到我們的日常生活，讓更多人接觸及體驗各類新興運動，並鼓勵青少年發揮潛能及鍛鍊意志。今個夏日，杏花新城變身成為戶外忍者充氣障礙樂園，將「忍者障礙運動」呈現大家眼前。由即日起至8月27日，公眾可於商場免費參與忍者充氣障礙樂園內的三大主題關卡，分別有「充氣障礙賽闖三關」、「充氣三重跳跳球」及「眼明手快奪奪樂」！商場更於指定周日邀請本地忍者障礙運動訓練團隊Sasuke Fitness的專業教練舉辦「小忍者訓練班」，讓小朋友們大顯身手，玩盡暑假！

今日杏花新城邀請到已為三孩之母的「嘉欣BB」鍾嘉欣出席活動。婚後移居加拿大的嘉欣難得返港出席活動，為今次活動擔任評判之餘，更落場瞓身與現場小朋友挑戰忍者關卡！嘉欣笑指自己工作時難以放低媽媽身份：「頭先兩個小朋友鬥快搶波波嗰陣，佢哋好投入！自己不斷諗住要提佢哋玩還玩，要小心啲，慢慢嚟！爭啲就忘記咗呢個係比賽。但係見到佢哋可以透過遊戲不經不覺就可以出一身汗，玩得好開心之餘又可以將運動融入生活，多多鍛鍊身體，對小朋友嘅健康成長真係好好呀!」被問到爸爸返工自己「一拖三」是否好辛苦，嘉欣即笑笑口甜到漏話：「唔會好辛苦，同先生都以小朋友行先，都會分工做家務，唔會我一個做晒，好似我返嚟做嘢時佢就會照顧小朋友。小朋友要同爸爸媽媽都相處多啲，唔可以剩係依賴一個。」

除了出「口」做評判，嘉欣亦身體力行與小朋友一齊挑戰「充氣三重跳跳球」，更開心同大家分享自己同仔女相處心得：「小朋友需要大人以身作則。除咗俾小朋友自己探索之餘，我同先生都鍾意同小朋友一齊體驗新事物，等小朋友願意多嘗試、勇於接受挑戰。而且我哋平時都多做運動，健康啲人都自然會KEEP得靚啲。小朋友見到我哋做運動都好自然會想跟住一齊做。」問到嘉欣有無帶小朋友體驗過忍者運動：「小朋友未接觸過！不過知道喺歐美係好流行嘅運動，今次喺杏花新城可以一試做忍者嘅滋味覺得好好玩呀！同場仲有專人教授忍者技巧，一方面可以建立將運動融入生活嘅好習慣之餘，小朋友又玩得開心，家長亦都好放心！大家一於趁住暑假帶埋小朋友一齊嚟玩吓！」嘉欣之後為參加遊戲的小朋友送上特備禮物，更與現場觀眾影大合照，並鼓勵在場家長趁住假期帶小朋友多參與不同活動，度過一個愉快的暑假。